Zëvendëskryeministri dhe Ministri i Vetëqeverisjes Lokale Goran Rakiq sot ka takuar ambasadorin e Mbretërisë së Bashkuar Nicholas Abbott, ku diskutuan për situatën politike dhe të sigurisë në Kosovë, rimëkëmbjen ekonomike, problemet dhe përparësitë e vetëqeverisjeve lokale.

Sipas një njoftimi për media , Rakiq së pari shprehi shqetësim për sulmet e shpeshta ndaj popullatës dhe pronës serbe dhe kërkoi reagim nga të gjitha institucionet përkatëse, në dënim ashtu edhe në gjetjen e autorëve.

Duke folur për marrëveshjen nga Uashingtoni, bashkëbiseduesit theksuan se vazhdimi i dakordimit është prioritet.

Ministri gjithashtu e informoi Ambasadorin për aktivitetet e ndërmarra nga Ministria dhe projektet për komunat, në periudhën që nga takimi i tyre i fundit.

Në këtë takim, siç thuhet në njoftim u diskutua edhe për zgjedhjet e ardhshme për kryetarë të komunave në komunat e Mitrovicës së Veriut dhe Podujevës.

Bashkëbiseduesit ranë dakord që zgjedhjet në këto dy komuna të mbahen duke i respektuar rreptë të gjitha masat e rekomanduara në luftën kundër pandemisë, dhe në një atmosferë demokratike. /Arbresh.info/